Më 15 qershor, Princesha e Uellsit u kthye në publik mes betejës së vazhdueshme me kancerin, duke iu bashkuar familjes mbretërore për të festuar ditëlindjen zyrtare të Mbretit. Katerina i mahniti të gjithë me fustanin e saj të bardhë. E ndërsa të gjithë ishin të lumtur që e panë, shumë vëzhgues dhe komentues në internet u shqetësuan dhe thanë të njëjtën gjë.

Kate rrezatonte ngrohtësi, duke përshëndetur turmat ndërsa ajo dhe tre fëmijët e saj, Princi George, Princesha Charlotte dhe Princi Louis, morën brohoritje nga të pranishmit në The Mall. Ata u nisën nga Pallati Buckingham me karroce për ceremoninë e Trooping the Color.

Pasi kaloi pjesën më të madhe të vitit duke u përballur me sëmundjen dhe duke iu nënshtruar kimioterapisë, mbretëresha e ardhshme u shfaq e qetë.

Fansat e admiruan forcën e Princeshës së Uellsit dhe vlerësuan praninë e saj të mrekullueshme. Një person shkroi: “Është e mrekullueshme të shoh përsëri Katerinën, por shpresoj që ajo të vazhdojë të marrë kohën e saj për t’u rikuperuar plotësisht dhe gjithashtu për të rifituar forcën dhe qëndrueshmërinë e saj.” Një tjetër shtoi: “E mrekullueshme! Princesha e Bukur bëhet më mbretërore çdo minutë.” Dikush tjetër tha: “Sa e bukur, aq mbretërore! Mirë se erdhe, na ke munguar!’’

Shumë vëzhgues të tjerë ishin të shqetësuar për princeshën e tyre të dashur dhe vunë re se ajo nuk ishte në gjendjen e saj më të mirë. Një person vuri në dukje: “Ajo duket e bukur si gjithmonë, por mund të thuash që nuk është mirë. Shpresoj që ajo të mos e shtyjë veten shumë dhe të kthehet në shtëpi për t’u kujdesur për veten larg syrit të publikut.” Një përdorues tjetër komentoi; “Dikush mund të shohë trishtimin në sytë e saj dhe në sytë e fëmijëve.”

Si të gjithë, ne jemi të kënaqur që e shohim sërish Princeshën e Uellsit dhe i urojmë shëndet dhe lumturi, pasi muajt ​​e fundit kanë qenë padyshim sfidues për të./doramagazine

Leave a Comment

Your email address will not be published. Required fields are marked *